శుక్రవారం...
సమయం సాయంత్రం ఏడుగంటల నలభై ఐదు నిమిషాలు. బెంగళూరులోని ప్రముఖ
సాఫ్ట్‌వేర్ కంపెనీ. శ్రీధర్ పనిలో బిజీగా ఉన్నాడు. అప్పుడే ఆయన మొబైల్
రింగైంది. చూస్తే స్నేహితుడు శరత్. శనివారం ఉదయం తన పెళ్లి అని తప్పకుండా
రావాలన్నది సారాంశం. వెంటనే తన స్మార్ట్‌ఫోన్‌తో తనకు తెలిసిన ట్రావెల్స్
నుండి టికెట్ బుకింగ్ చేసుకున్నాడు. తొమ్మిది గంటలకు ఆఫీసు ముగించుకుని
బస్సు ఏ రూట్‌లో వెళుతుందో కనుక్కుని నిదానంగా డిన్నర్ ముగించుకుని
9.45కల్లా బస్సులో ఉన్నాడు.
